ШОС һәм БРИКС саммиттары үткән көндәрҙә Конгресс-холдың аҫҡы майҙансығындағы Өфө амфитеатрында "Ватан" этник паркы асылғайны. Сит ил делегациялары башҡорттарҙың милли йолалары һәм мәҙәниәте, шулай уҡ республика ҡаҙаныштары менән тап ошонда танышты. Был аҙнала "Ватан" паркы өфөләр һәм баш ҡала ҡунаҡтарына ла үҙ ишектәрен асты.
Парк Өфө амфитеатрының бөтөн территорияһында урынлашҡан, "Этноауыл" проекты уның төп объекты булып иҫәпләнә. Комплекс ете тирмәнән тора, уларҙа төбәктең бөтөн үҙенсәлеге сағылған. Беренсе тирмәлә башҡорттарҙың көнкүреше күрһәтелгән. Көнкүреш әйберҙәрен БР Милли музейы тәҡдим итә. Икенсе тирмәлә кейеҙ һуғыу, ағас һырлау, ҡымыҙ бешеү кеүек халыҡ кәсептәре менән танышып була. Өсөнсө тирмәлә Башҡортостан ерҙәре байлығы - нефть, алтын, баҡыр, металдар, ярым ҡиммәтле таштар тураһында мәғлүмәт тупланған. Дүртенсе тирмәлә республиканың тәбиғәте тураһында һөйләп, бал һәм ҡымыҙ тәҡдим итерҙәр. Бишенсе тирмә Башҡортостанда йәшәгән төрлө милләт вәкилдәре менән таныштыра. Алтынсы тирмәлә милли костюмдарҙы кейеп ҡарарға, фотоға төшөргә була. Өфөнөң киләсәктәге архитектураһы менән ҡыҙыҡһыныусылар етенсе тирмәлә үҙ һорауҙарына яуаптар алыр. Шулай уҡ тирмәләрҙә сувенирҙар, бал, милли кейем һатып алырға буласаҡ, ти ойоштороусылар.
Этнопарк сентябрь аҙағына тиклем эшләйәсәк. Был майҙансыҡ ҡалала үткән тематик саралар өсөн ҡулланыласаҡ, мәҫәлән, яҡын арала унда урам театрҙары, музыканттар сығыштары, һөнәрселәр йәрминкәләре, балалар байрамдары, хәйриә һәм спорт акциялары үтеүе көтөлә.

тураһын әйткәндә...
ИСЕМЕҢДӘН ЯҘМА ТЕЛҺЕҘ-ИЛҺЕҘ ҠАЛЫРҺЫҢ

Кесе ватаныбыҙҙың Конституцияла законлаштырылған рәсми исеме бар - Башҡортостан Республикаһы ул; ер-һыу атамаларыбыҙҙы Банное озеро, Капова пещера тип боҙмаһындар; ҡыҙҙарыбыҙға "Зойка" тигән ҡушамат таҡмаһындар!

шаңдау
ЯҘМЫШТАН УҘМЫШ БАРМЫ?

Бәйғәмбәребеҙ (с.ғ.с.) бәғзе яҡындарының балаларының исемдәрен үҙгәрткән осраҡтар билдәле. Әммә ул исемдең бала яҙмышына йоғонто яһарын күҙ уңында тотоп түгел, ә килешһеҙ мәғәнәле булғаны өсөн алыштырырға ҡушҡан.

тарихыңды таныт
БЕҘҘЕҢ ЙӘШЕБЕҘ БИК ӨЛКӘН

XVIII быуаттың 60-сы йылдарында ҡаҙыныуҙар алып барғанда 3 кило алтын табыла һәм ул Екатерина II батшаға бүләк итеп ебәрелә. Табыштар араһында беҙҙең эраға тиклем V быуатҡа ҡараған Византия тәңкәһе лә була.

диалог
ШҮЛГӘНТАШТА ТӨҘӨЛӘСӘК МУЗЕЙ ТАРИХЫБЫҘҘЫ КИЛӘСӘККӘ ИЛТЕР

Ул бишек - төпһөҙ. Төпһөҙлөгө - башҡорт халҡының тыуған, барлыҡҡа килгән урынының мәңгелек булыуына ишаралай. Был композицияла шулай уҡ тирмәнең көмбәҙе лә бар. Ул да символик мәғәнәгә эйә.

яҙыусыға өс һорау
КҮҢЕЛДӘГЕ САФЛЫҠ ЙӘРҘЕ, ИЛДЕ, ХАЛҠЫҢДЫ, ДОНЪЯНЫ ЯРАТЫУҘАН УЛ

Мөхәббәт кешегә Хоҙайҙан бирелгән бүләктер, тим. Мөхәббәтһеҙ кеше роботҡа оҡшаш түгелме ни: ул осҡонһоҙ, ялҡынһыҙ, тере кәүҙә, тере мәйет! Ошо күктән төшөрөлгән мөхәббәт арҡаһында аңлы кешегә әйләнгән.