Эркелешеп теҙелешкән ирҙәр,
Таблоларҙа яна - Салехард!..
Быны күреп ниҙәр әйтер ине
Себерҙәрҙән ҡасҡан Сәлих ҡарт?

Себерҙәрҙән ҡасып ҡайтҡан бит ул
Тыуған иле тиеп, ер-һыуы.
Тойоп ята микән ошо бабай
Илдә ҡатындарҙың ярһыуын?

Белеп ята микән уландары
Ят икәнен тыуған ерендә?
Себерҙәргә башҡорт киткән һайын,
Бәлки, әйләнәлер гүрендә?..

Эркелешеп теҙелешкән ирҙәр -
Кемдәрҙеңдер ире-атаһы.
Их, ҡулыңдан килеп һәр береһен
Эшле итеп алып ҡайтаһы...

Әзмәүерҙәй мыҡты ағайҙарым,
Һыу һөлөгө кеүек ҡустылар,
Ҡарайым, тип, ишле ғаиләләрен
Йөрәктәрен усҡа ҡыҫтылар!

Аэропортта яугир вариҫтары
Яу сыҡҡандай, баҫҡан теҙелеп.
Сәфәр һайын милли айбарлыҡ та
Янып-һүнә кеүек иң элек.

Саралары барҙыр, күреүсе юҡ -
Илдән ирҙе һөрә был алым.
Эркелешеп теҙелешкән ирҙәр,
Таблоларҙа янды - Когалым...

килешмәйем!
БӘҪЕБЕҘҘЕ СИТТӘР ТҮГЕЛ, БЕҘ ҮҘЕБЕҘ ТӨШӨРӘБЕҘ, ЙӘМӘҒӘТ!

Кемдәрҙер ерле халыҡтың телен өйрәнеп, етәксе булырға әҙерләнеп йөрөгәндә, республикаға исем биргән аҫаба халыҡтың балалары үҙ телендә уҡыуҙан мәхрүм ителә, ә ата-әсәләр был хәл менән өнһөҙ-тынһыҙ ғына ризалаша.

афарин!
КИЛӘСӘККӘ ЮЛ МИЛЛИ МӘКТӘПТӘН БАШЛАНА

Рәми Ғарипов исемендәге 1-се Башҡорт республика гимназия-интернаты өсөн быйылғы уҡыу йылы белем усағының 70 йыллыҡ юбилейына арналған саралар менән тағы ла байыраҡ һәм ҡыҙыҡлыраҡ үтә.

балалар ҡоро
ТУҒАН ТЕЛЕНДӘ ҺӨЙЛӘШКӘН - БӘХЕТЕНӘ НИГЕҘ ҠОРҒАН

Юҡ, ата-әсәйем әйткәнде мин аңлайым. Шуға шырпы менән дә уйнамайым, газда кәстрүлдә бешеп ултырған ашҡа ла теймәйем. Розеткаға тейергә, уның тишегенә бер нәмә лә тығырға ярамай. Шунан компьютерҙа күп уйнарға ярамай, күҙҙәр күрмәй башлай.

тарихи хәҡиҡәт
ҠАН БУЙЫНСА БАШҠОРТТАР ТАМЫРҘАРЫН ИҪКӘ ТӨШӨРҺӨН

Рәсәй тәхетенә һәр яңы батша ултырған һайын башҡорттар, Санкт-Петербургҡа барып, Сенат алдында үҙҙәренең тоғролоғон иҫбатлап, анттарын яңыртып торор булғандар.

монолог
ТЕАТР ТАМАШАСЫ ЙЫЯ АЛА ИКӘН ТИМӘК, ХАЛЫҠТЫҢ АҢЫ, МАТУРЛЫҠҠА ЫНТЫЛЫШЫ УЯНА

Уҡып сығып, театрҙа эшләй башлағас, әсәй минең төп тәнҡитсемә әйләнде. Театрҙа эшләй башлауыма биш йыл үткәс кенә, "Яҙмыштарҙан уҙмыш бар" спектаклен ҡарағас: "Бына хәҙер ысын артист булырыңа ышандым", - тине.

сәләмәтлек әлифбаһы
ЯМАН ШЕШ - ҺУҢҒЫ ХӨКӨМ ТҮГЕЛ

Ҡатын-ҡыҙ ваҡытында тикшерелеп торорға тейеш. Элек мөмкинлектәр бик булмай торғайны, ә хәҙер бөтөн шарттар бар. Лабораторияла ҡанды, күҙәнәкте тикшерәләр. Маммография, УЗИ үтеү, гистологик анализ тапшырыу мотлаҡ.