"Киске Өфө" гәзите ҡулыма осраҡлы рәүештә килеп эләкте. Бер әхирәтемә барғайным, өҫтәлдәрендә "Киске Өфө" тигән гәзит ята, атаһы алдыра икән. Ҡыҙыҡһынып, нимә тураһында яҙалар икән, тип, асып уҡыным. Шунан "Бәй, был бит минең гәзит!" тип, ҡайҙа, нисек яҙылырға икәнен һорашып, тиҙ генә почтаға йүгерҙем.

Шулай итеп, 2010 йылдан алып бер ҙә ҡалдырмай яҙылам, һәр һанын йыйып, төпләмә эшләп барам. Былтыр өс йылдың төпләмәләрен Бүздәк районында йәшәгән ҡыҙыма биреп ебәргәйнем, ауыл буйлап йөрөтөп уҡыйҙар, ти. Быйыл ҡыҙым балалар менән дәрес әҙерләгәндә файҙалы китаптар һорағайны, китап урынына йәнә үҙем яратып, һәр битен ентекләп уҡыған "Киске Өфө" гәзитен биреп ҡайтарҙым. Ейәндәргә дәрес әҙерләгәндә лә кәрәге тейер, ҡыҙыма ла фәһемле мәҡәләләре табылыр, тим. "Киске Өфө" гәзитендә бөтәһе лә ҡыҙыҡ һәм фәһемле минең өсөн. Айырыуса "Заман башҡорто" рубрикаһын яратам, шундай алдынғы ҡарашлы, уңышлы йәштәр тураһында белеп ҡалам. Унан инде, "Аҡыл - ҡаҙна" рубрикаһында баҫылған йор һүҙҙәр, халыҡ мәҡәлдәре һәм ҡыҫҡаса кинәйәле һәм ғибрәтле хикәйәләрҙе яратып уҡыйым. "Ҡомар" рубрикаһында баҫылған повесть-хикәйәләрҙе һандан-һанға көтөп алам. Үҙем халыҡ дауаһы менән ҡыҙыҡһынғас, "Шифа" тигән махсус бит сығарыла башлауын ҡыуанып ҡаршы алдым. Башҡорт халҡының милли кейемдәре, йолалары тураһында баҫылған мәҡәләләр ҙә бик урынлы һәм кәрәкле. Бына шулай, "Киске Өфө" гәзите менән бик күп йылдар дуҫмын, милли рух тәрбиәләгән баҫмаларҙың береһе ул. Зәһәр шәп гәзит, тип әйтер инем.

Илдуса ЛОТФРАХМАНОВА.
Дәүләкән районы Сапай ауылы.

аңлағанға - ишара
ДҮРТЕНСЕ ҠИММӘТ НӘМӘ - ШӨКӨР, ТИГӘН…

Унда беҙҙең өсөн донъя малынан бер нәмә лә кәрәкмәйәсәк, беҙ тик үҙебеҙҙең тереклектә ҡылған һәм ҡылмаған, изге һәм гонаһлы ғәмәлдәребеҙ менән генә тороп ҡалабыҙ. Ахирәттә фәҡәт ана шулар өсөн генә яуап бирәсәкбеҙ.

... ғәҙәттәре күркәм
БЕҘҘӘ ҠУНАҠТА – ҠЫРҒЫҘҘАР

Ошо көндәрҙә Өфөлә эш сәфәре менән Ҡырғыҙстандан Бишкәк ҡала кәңәше Рәйесе Канатбек Музуралиев етәкселегендәге делегация булып китте.

етмеш һөнәрле...
БАҘЫЯН МЕНӘН ҺӨЙӘН йәки, БОРОНҒО АҒАС ҠЫРЫУ СТАНОКТАРЫБЫҘ ҠАЙҘА БУЛҒАН?

Баҙыян һауытта тоҙ ҙа, шәкәр ҙә ҡатмай. Быяла, фарфор-фаянс һауыттарҙа улар таш булып ҡата ла ҡуя бит. Ағас һауыт тоҙҙо дымланыуҙан һаҡлай. Шул яғы менән баҙыян һауыттар практик әһәмиәткә лә эйә.

тарих ярсыҡтары
БЫЛ ҺЫНДАР НИ ҺӨЙЛӘЙ?

Башҡорт уҙаманы буҫтауҙан ҡыҙыл ҡалпаҡ, күк камзул, күн итек кейгән, ҡылыс таҡҡан. Эшләү техникаһы - алтын ялатылған, биҙәлгән фарфор, тиелгән. Антропологик тибына килгәндә, йөҙ бик таныш кеүек тойола.

әҙип һүҙе
ЗАМАНДАН АЛДА АТЛАУ ҮҘ ДӘҮЕРЕҢДӘ ХӘҠИҠӘТТЕ ЯҠЛАУ УЛ

Ғөмүмән, "әҙәбиәттә төп көс", тигән төшөнсә менән килешеп етмәйем. Донъяны төрлө ағастар биҙәгән кеүек, әҙәбиәттә лә "имәндәр", "ҡарағайҙар", "ҡайындар", "йүкәләр"... үҫә. Берәүҙәренең ғүмере оҙон, икенселәренең - ҡыҫҡа.

Өфө башҡорто
БАШҠОРТ ТЕЛЕ МИҢӘ КИҢ ДОНЪЯ АСТЫ

Хәҙер ҡалалағы башҡорт мәҙәниәте тигеҙһеҙ үҫешә - уның юғары һәм артыҡ талапсан булмаған кешеләрҙе ҡәнәғәтләндерерлек өлгөләре бар, ә уртаса - бер үк ваҡытта киң ҡатламға аңлайышлы һәм сифатлы - проекттар күп түгел.

һай! һай! һай!
ДУҪЛЫҠ БАЙРАМЫ

Шиғыр һөйләүселәргә Өфө башлығы Ирек Ишмөхәмәт улы Ялалов та ҡушылды. Ул Мостай Кәримдең "Ҡайын япрағы тураһында" шиғырын һөйләп ишеттерҙе. Ҡойоп ямғыр яуыуы ла шиғыр һөйөүселәргә ҡамасауламаны.

мосолман донъяһы
ҠӨРЬӘНДЕ ДӨРӨҪ УҠЫУҒА БАШҠОРТ ТЕЛЕНЕҢ ЯРҘАМЫ ҘУР

Изге Ҡөрьән-Кәримдең бөтә сүрә-аяттарын дөрөҫ итеп уҡырлыҡ башҡорт телебеҙҙә өн-хәрефтәребеҙ була тора, ниңә хаталы яҙылған сүрәләрҙе, аяттарҙы уҡырға, ятларға тейешбеҙ һуң?

ҡыҫҡа интервью
ДОНЪЯЛА ҠУРАЙҒА ЕТКӘН УЙЫН ҠОРАЛЫ ЮҠ

Хакасияла үткән III "Ут йыры" Бөтөн Рәсәй этник эстрада фестиваль-конкурсында Башҡортостан исеменән сығыш яһап, Х. Әхмәтов исемендәге Башҡорт дәүләт филармонияһының "Карауан" төркөмө солисы Тимур РАМАЗАНОВ беренсе урынға лайыҡ булды. Йәш талантты ошо еңеүе менән ҡотлап, әңгәмәгә саҡырҙыҡ.

иғтибар: акция!
ҺӘР КЕМ УҠЫРҒА ТЕЙЕШЛЕ ЙӨҘ БАШҠОРТ КИТАБЫ

"Башҡорт китабы топ-100+" акцияһына килгән хаттарҙы барлауҙы дауам итәбеҙ. Һеҙ ҙә башҡорт әҙәбиәтендә һәр быуын кешеһенең иғтибарына лайыҡ әҫәрҙәрҙе/китаптарҙы тәҡдим итеүҙән туҡтамағыҙ, хөрмәтле гәзит уҡыусылар!