ЯҠШЫҒА ӨМӨТ ИТЕП

БАШҠАҺЫНА ӘҘЕР БУЛЫП

ЙӘШӘЙЕК!

Яңы йыл байрамы алдынан ҡыҙыҡ иттеләр булды инде: доллар, евро ҡиммәтләнеү менән бәйле хәбәрҙәрҙән күптәрҙә байрам ҡайғыһы китте. Урамда ла, транспортта ла, хатта мунсала ла шул хаҡта һөйләйҙәр. Кемдер сит ил көнкүреш техникаһы ҡиммәтләнеүгә зарлана, бәғзеләр ҡарабойҙай, он, шәкәр, башҡа ризыҡтарға хаҡ күтәрелеүен билдәләй.

Бер аҙ аҡсаһы булғандар сауҙа үҙәктәре юлын тапай. Телевизор, һыуытҡыс, башҡа көнкүреш техникаһы һатып ала. Икешәрҙе, өсәрҙе хатта. Шул арала интернетта шундай көлкө лә барлыҡҡа килде: "Рәсәй кешеһе хаҡтар күтәрелә башлау менән магазиндарға йүгерә һәм өсәрләп телевизор һатып ала. Телевизорҙары ни тиклем күп булған һайын, уның күңеле лә тыныс..."
Ә бына бер танышым бөтөнләй күңел тыныслығын юғалтҡан. Машина һатып алырға йыйынып йөрөгән булған икән. Үҙе ниәтләгән машинаны алырға барһа, ун көн элек кенә бер хаҡ менән һатылған машина 100 меңгә күтәрелгән. Етмәһә, ул көндө уны һатыуға ла ҡуймағандар, "Яңы хаҡ көтәбеҙ", тигәндәр салонда. "Инде ни эшләргә икән? Кредит һаҙлығына инмәй, тинләп йыйғайным аҡсаны. Хәҙер кредит та алып булмаясаҡ, уның ставкаһын да күтәрҙеләр", - тип өҙгөләнә танышым. "Бына-бына барыһы ла яйланыр, доллар хаҡы ла төшөр..." тип тынысландырыуым бушҡа ғына булды, барыбер ышанманы...
Бына шулай, һәр хаҡ үҙгәреүе ығы-зығы, сәбәләнеүҙәр, күңел төшөнкөлөгө тыуҙыра, әллә күпме фәстернамәләр уйлап сығарта беҙҙең халыҡтан. Хәйер, дефолт була, аҡса арзаная, тигәнде күптәр йыл башынан теленә лә, аңына ла индергәйне инде. Хәүефен үҫтерә торғас, шул хәл алдына килеп баҫты ла ҡуйҙы. Уй ҙа, һүҙ ҙә тиҙ арала матдиләшә, шуға ла уйҙарығыҙ менән дә, һүҙҙәрегеҙ менән дә һаҡ булығыҙ, тип иҫкәртәләр түгелме ғалимдар. Шик-шөбһәләрҙе лә, матдиләшмәҫ, сиргә әйләнмәҫ элек, башығыҙҙан сығарып ташлағыҙ, аңығыҙҙы таҙартығыҙ, тиҙәр...

килешмәйем!
БАЛАЛАР МЕНӘН КӘҮҘӘҢ БЕЙЕКЛЕГЕНӘН ТОРОП ҺӨЙЛӘШМӘ!

Минең дә үҙемә оҡшамаған, "Килешмәйем!" тиер күренештәр бар был тормошта. Мәҫәлән, ололар менән балалар араһындағы мөнәсәбәттәр хаҡында бәйән итмәксе булдым әле гәзит биттәрендә.

әйҙәгеҙ...
ӨҪТӨНЛӨКТӨ ҮҘЕБЕҘ БЕШЕРГӘН РИЗЫҠТАРҒА БИРӘЙЕК!

Аш-һыу күп булып артып ҡалһа ла насар, сөнки бер-ике көн ултырһа, уның күркәмлеге китә, тәме бөтә, шуға күрә бар нәмәнең дә самаһын белеп, етерлек кенә итеп бешерәм.

әйҙәгеҙ...
МИЛЛИ КӨРӘШ МЕНӘН ШӨҒӨЛЛӘНӘЙЕК!

Бәхет тигәндәй, шул ярыш алдынан ғына улыбыҙ донъяға килде. Ислам тип исем ҡуштыҡ. "Урал кубогы"нда еңеүемде улыма арнаным. Шулай итеп, йылҡы йылында уллы ла булдым, өс тапҡыр Рәсәй чемпионы титулын да яуланым.

тарихи хәҡиҡәт
ҠАН БУЙЫНСА БАШҠОРТТАР ТАМЫРҘАРЫН ИҪКӘ ТӨШӨРҺӨН

1771-1772 йылдарҙағы Польша походында башҡорт ғәскәрҙәренең составында Йәнәй улысы сташиналары Шәрип Айҙаров менән Ғәли Йәрмөхәмәтов командаларынан торған 130 йәнәй яугиры ҡатнаша.

балалар ҡоро
ҠЫШ БАБАЙҒА ТИГӘН ХАТТЫ АТАЙҒА БИРЕРГӘ КӘРӘК

Бөгөнгө ҡунаҡтарыбыҙ атайҙарынан, әсәйҙәренән, бала өсөн милли мөхиттең мөһимлеген аңлаған тәрбиәселәренән дә уңған. Улар байрамға туған телендә йырҙар, шиғырҙар әҙерләй, хатта Ҡыш бабайҙары ла башҡортса һөйләшә.

йәштәр ҡоро
БАШЫМА ҠЫҘЫҠЛЫ ИДЕЯ КИЛӘ ИКӘН, ШУНДА УҠ ҒӘМӘЛГӘ АШЫРЫРҒА ТОТОНАМ

Мәскәү ҡалаһында йәшәүем һәм милли ҡиммәттәргә тоғро булып ҡалыуым бер-береһенә ҡамасау итмәй, киреһенсә, минең тормошома мәғәнә өҫтәй. Иң уңышлы халыҡтар үҙ үҫешен ниндәйҙер территорияға ғына бәйләмәй.

әйҙәгеҙ...
ШӘЛ БӘЙЛӘЙЕК!

Шәл бәйләүсе ҡатын-ҡыҙҙарҙың береһе лә күҙлек кеймәй! Гәүһәр Рәхмәтова һөйләүенсә, уның 87 йәшлек әсәһе Миниямал Ҡадирова һаман да күҙлекһеҙ-ниһеҙ ҡатмарлы биҙәктәр төшөрөп шәлдәр бәйләүен дауам итә икән.

былар ҡыҙыҡлы
ҠЫШ БАБАЙ ҺӘМ ЭҪЕ БАБАЙ

"В лесу родилась елочка" шиғыры беренсе тапҡыр 1903 йылда "Малютка" балалар журналында баҫыла. Ә ике йылдан Раиса Кудашеваның шиғырын композитор Леонид Бекман көйгә һалып, билдәле йыр тыуа.

йыл йомғағы
КЕМДӘР УЛАР, КИСКЕ ӨФӨНӨ ИЖАД ИТЕҮСЕЛӘР?

Йыл аҙағында үткәндәргә йомғаҡ яһау йолаһы бар. Йомғаҡлау һүҙҙәрен әле йыл башында ла әйтербеҙ, ләкин быйылғы йылдың һуңғы 52-се һанын ҡулығыҙға алғанда ошо осорҙа "Киске Өфө"нө ижад итеүгә кемдәр айырыуса көс һалғанын белеп тороу ҙа ҡамасауламаҫ.