Өфөлә "Ҡала электричкаһы" проекты тормошҡа ашырыла икәнен беләһегеҙҙер. Шуға ярашлы, 15 сентябрҙән "Дим - Шаҡша - Дим" ҡала электричкаһы йөрөй башлаясаҡ.

Электр поезының расписаниеһы Башҡортостан ҡала яны пассажирҙар компанияһы сайтында баҫылған. Димдән электричка иртәнге сәғәт 5 тула 6 минуттан ҡуҙғала, һуңғы станцияға иртәнге сәғәт 6 тула 25 минуттан килеп етә. Кире йүнәлештә Шаҡшанан электр поезы иртәнге 6-сы 2 минутта һәм 7-се 26 минутта юлға сыға. Әлеге ваҡытта "Уң яҡ Ағиҙел", "Өфө", "1629 саҡрым", "Парк", "Черниковка", "Спорт" туҡталыштары планлаштырылған. Электричкалар көн һайын эшләйәсәк, тип күҙаллана. Ҡала эсендә халыҡты транспорт менән тәьмин итеү һәм пассажирҙарҙы хеҙмәтләндереүҙең сифатын яҡшыртыу маҡсатында 2013 йылда Дим - Өфө - Шаҡша участкаһында "Ҡала электричкаһы" проекты ғәмәлгә ашырыла башлағайны. Проектҡа инвесторҙар йәлеп ителә. "Дим" һәм "Шаҡша" станцияларын файҙаланыуға тапшырыу буйынса юл карталары әҙерләнгән. "Гастелло", "Ҡала мәҙәниәт һарайы", "Воронки - Көньяҡ автовокзал", "Уң яҡ Ағиҙел - Телеүҙәк" транспорт-күсеп ултырыу урындарын ойоштороу ҡарала. Транспорт-күсеп ултырыу урындары эскалаторҙар, траволаторҙар һәм лифттар ҡуйыуҙы күҙ уңында тота.
2014 йыл аҙағындағы мәғлүмәттәр буйынса, "Ҡала электричкаһы" проектына 316 миллион һум һалынған: Өфө хакимиәте - 240 миллион, Куйбышев тимер юл идаралығы 76 миллион һум аҡса бүлгән.

көнауаз
СИБАЙҘАР БАЙРАМ ИТТЕ...

Уҙған шәмбе Сибай ҡалаһы үҙенең 60 йыллыҡ юбилейын билдәләне. Ҡала халҡының шатлығын уртаҡлашырға һәм тантана менән ҡотларға Башҡортостан Республикаһы Башлығы Рөстәм Хәмитов та килгәйне.

ил-йорт хәбәрҙәре
ҮҘЕ БЕР БӘХЕТ БИТ ТЫУҒАН АУЫЛ, ТЫУҒАН ЙОРТОҢ БУЛЫУ

Әлшәй районында ла быйыл шәжәрәләрҙе, тамырҙарҙы барлау, яҡташтарҙы, тамырҙаштарҙы бергә туплау маҡсатында 15 ауылдың түңәрәк юбилейына арналған байрам саралары үтте.

ата-әсәләр йыйылышы
БАЛАЛАР НИНДӘЙ УЙЫН УЙНАЙ?

Теге йәки был һәләтте һиҙепме, әллә ҡыҙыҡ күрепме, өлкәндәр "Ҙурайғас кем булаһың?" тигән һорауҙы беҙгә йыш бирә ине. Ҡыҙҙарҙың күбеһе - уҡытыусы, врач йә һатыусы, малайҙар тракторист, водитель йә осоусы булырға хыяллана ине.

шәхестәребеҙ
МӨХӘМӘТХАН ҠУЛАЕВ

"Мөхәмәтхан Ҡулаев - тейешле дәрәжәгә күтәрергә хаҡлы шәхесебеҙ. Уның беренсе автономиябыҙҙы төҙөү тураһындағы килешеүгә ҡул ҡуйыуын иҫәпкә алып, Өфөнөң бер урамына исемен биреп мәңгеләштереү яҙыҡ булмаҫ ине."

монолог
ҠЫМЫҘ, ҠОРОТ, ҠАҘЫЛЫҠ АҘЫҠ ҠЫНА ТҮГЕЛ, ДАУА ЛА

Яңы регламент буйынса бейә һөтөнән бешелгән эсемлек - "ҡымыҙ" тип, ә кәзә, һыйыр һөттәренән әсетеп яһалған эсемлек иһә "ҡымыҙ эсемлеге" тип аталырға тейеш. Ошондай уҡ хәлде беҙ һөт продукциялары баҙарында ла күрәбеҙ.

монолог
ҠУРАЙ – АРБУЙЛЫ УЙЫН ҠОРАЛЫ, ҠУРАЙСЫ ЛА ИҢ АБРУЙЛЫ МУЗЫКАНТ

Тәбиғи ҡурайға, үлән ҡурайға килгәндә, ул икенсе төрлө тауыш сығара. Ағас ҡурайҙың тауышын нисек шул кимәлгә еткерергә - беҙҙең алда торған иң ҙур, иң мөһим мәсьәлә шул.

милләт балҡышы
МИЛЛИ КӨЙ-МОҢДАРЫБЫҘ ҮҘЕБЕҘҘЕ ТАНЫТЫУҘЫҢ ИҢ ШӘП ЮЛЫ

Беҙ сығыш яһағанда сәхнәнән: "Был - башҡорт халыҡ музыка ҡоралы ҡурай, ул бары тик Көньяҡ Уралда ғына үҫә", - тип ҡысҡырып әйттек. Ҡурайҙа уйнау өсөн башҡорт булып тыуырға кәрәк, тип юҡҡа әйтмәйҙәр бит.