Өфө ҡалаһының Затон биҫтәһендә 1966 йылда 75 кешене йәлеп итеп асылған Әҙеһәм Исҡужин исемендәге 9-сы балалар музыка мәктәбендә хәҙер, өс ҡатлы өр-яңы бинаға күскәс, 550 уҡыусы музыкаль белем аласаҡ.

Музыка мәктәбендә әлеге көндә фортепиано, халыҡ инструменттары, оркестр, теоретик фәндәр, башланғыс эстетик үҫеш бүлектәре эшләй. Уҡыусылар оло теләк менән фортепиано, скрипка, виолончель, домра, баян, аккордеон, гатара, ҡурай, думбыра, ҡыл-ҡубыҙ, кларнет, гобой, флейта, саксофон, вокал, синтезатор үҙләштерә. Был һөнәрҙәргә 6 йәш тә 6 айҙан алып 9 йәшкә тиклемге балалар ҡабул ителә. Шулай уҡ "Хореография ижады", "Рәссам" бүлегенең 5 йыллыҡ уҡытыу программаһы бар.
Данлыҡлы ҡурайсы, педагог Әҙеһәм Исҡужин исемен йөрөткән мәктәптә һәр һөнәри йүнәлеш буйынса ансамблдәр ойошторолған. Улар араһында 2018 йылда "Халыҡ ансамбле" тигән маҡтаулы дәрәжәгә лайыҡ булған Заһир Шәғәрғазин етәкселегендәге "Тамъян" башҡорт халыҡ инструменттары ансамбле - мәктәп ғорурлығы. Ул Башҡортостан мәктәптәрендә эшләгән бындай ансамблдәр араһында ошондай юғары исемгә лайыҡ булған берҙән-бер коллектив. Мәктәп директоры Әхиәт Ғәйетбаев әйтеүенсә, теоретик фәндәрҙе лә уҡыусылар теләп өйрәнә, бигерәк тә башҡорт музыкаһы дәресендә халыҡ фольклоры, башҡорт халыҡ уйын ҡоралдары яңғырашы, башҡорт композиторҙары ижады менән танышыу ҙур ҡыҙыҡһыныу уята. Ҡыҫҡаһы, был музыка мәктәбендә Башҡортостандың данын арттырыр таланттар уҡый һәм уларҙа ҙур сәхнәләрҙе яулар ҡанаттар үҫтергән оҫта педагогтар эшләй.

көнауаз
ҠУШТАУ ЙӘШӘЙӘСӘК!

Предприятиеның яңы етәкселәре был эштең күп сығымлы булыуын, сеймалды һыуһыҙландырыуҙың ҡиммәткә төшөүен күҙҙә тотоп, башҡа эзбиз ятҡылыҡтары эҙләүҙе талап иткән. Уларҙың талабына яуап итеп, предприятиеға башҡа ятҡылыҡтар тәҡдим ителгән, ләкин БСК етәкселеге уларҙың алыҫлығын сәбәп итеп, бер вариантты ла ҡабул итмәгән

әйткәндәй...
ПРЕЗИДЕНТ ӘЙТТЕ!

Компания тарафынан эшләп алынған аҡсалар үҫешкә инвестицияланмай тиерлек, төбәктә ҡалмай. Былтыр, 45 миллиард һумлыҡ дөйөм төшөм алынһа ла, инвестиция маҡсаттарына 2,5 миллиард һум ғына бүленгән. Аҡсалар ҡайҙа? Офшорҙарҙа. 2018 йылда дивиденд 12,3 миллиард һум булған - был саф табыштан 106 процент тәшкил итә.

мәғариф
ВАҠЫТЛЫСА ҒЫНА СИТТӘН ТОРОП УҠЫУ ҺӘМ УҠЫТЫУҘАР

1 сентябрҙә Белем көнөнә арналған тантаналы сарала бөтә уҡыусылар ҙа ҡатнаша алмай. Традицион байрам тик беренсе синыф уҡыусылары һәм сығарылыш 9-сы, 11-се синыфтар өсөн генә үткәрелә.

ырыуың кем?
ЙЫЛАН ЫРЫУЫНАН, БОРОНҒО БАШҠОРТ ЗАТЫНАН БЕҘ

Башҡорттар үҙҙәренең үҙаллы ханлыҡтарын иғлан итә, Күсем хан тоҡомонан булған Көсөк хан, Морат хан, Ибраһим хан, Ырыҫмөхәммәт хандар Башҡорт иле хакимдары итеп таныла.

монолог
АУЫЛДАРЫБЫҘ ЙӘШӘҺЕН – УЛАР БИТ МИЛЛӘТ БИШЕГЕ, ЕЙӘР РИЗЫҒЫБЫҘ СЫҒАНАҒЫ, ТЕЛЕБЕҘ ҮӘ ИЛЕБЕҘ ТЕРӘГЕ

Һөҙөмтәлә үҙ ауылында ҡот таба алмағандар күпләп сит-ят тарафтарға китә. Һис сер түгелдер: Башҡортостанда бөгөн бер ниндәй ҙә интенсив урбанизация юҡ, уны күптән инде "интенсив вахтовизация" алыштырҙы.

Айбулат СИСӘНБАЕВ
МИН ЯРАТҠАН ӨС ХӘРЕФ

Доң-доң-доң! Бығаса күҙҙәрен дә асырға йыбанып ятҡан Дим йылмая-йылмая ҡорғанын асты. Тик тәҙрә аша Гөл нуры түгел, полиция машинаһының мигалка нуры күҙгә салынды.

сәләмәтлек мәктәбе
ЭЛЬБРУС НИҒМӘТУЛЛИН МЕНӘН СКАНДИНАВСА АТЛАЙБЫҘ

Скандинавса атлау менән шөғөлләнгәндә организмдың 90 процент мускулдары хәрәкәткә килә, һөҙөмтәлә кеше остеохондроздан, сколиоздан, үпкә сирҙәренән, һимереүҙән, ревматоид артриттан арына.

күңел мөһөрө
ӨЛӘСӘЙЛЕ ҒҮМЕР МИҘГЕЛДӘРЕ

Өләсәйем йыш ҡына: "Беҙҙән һыу ҙа ҡасыр инде. Алтын тапап, һыу эҙләрҙәр, тип яҙылған анауы минең ҡалын китабымда", - ти торғайны. Ул үҙе бер класс та уҡымаһа ла, ғәрәпсә, башҡортса уҡый белә ине.