(28-29-сы июндә V Бөтөн донъя башҡорттары ҡоролтайы уҙа)

Ил тупланды бөгөн оло Ҡоролтайға,
Был байрамда бер туғандай гөрләшәйек.
Байраҡ булып ҡалҡһын оло маҡсатыбыҙ,
Бөтә донъя башҡорттары, берләшәйек!

Байрам тыныр, тик тынмаһын уртаҡ уйҙар,
Әйҙәп торһон алға хәләл көрәшебеҙ,
Ситкә ташлап ваҡсыллыҡты, көнсөллөктө,
Бөтә донъя башҡорттары, берләшегеҙ!

Кәрәк түгел милләтем тип тамаҡ ярыу,
Кәрәк бары милләт өсөн юлдар ярыу,
Кәрәк бары көн-төн тимәй алға барыу,
Берләшегеҙ, бөтә донъя башҡорттары!

Еребеҙ тип беҙ янмаһаҡ, кем һуң яныр?
Бәләләрҙән беҙ ҡотҡармай, кем ҡотҡарыр?
Көс-ҡеүәтте беҙ тапмаһаҡ, кем һуң табыр?
Берләшәйек, бөтә донъя башҡорттары!

Беҙгә бер кем ситтән килеп ярҙам ҡылмаҫ,
Үҙебеҙҙең иңебеҙҙә бар эшебеҙ,
Еңелмәйек ялҡаулыҡтан, тарҡаулыҡтан,
Бөтә донъя башҡорттары, берләшегеҙ!

Илгә, йортҡа ҡот-бәрәкәт килһен тиһәк,
Китһен хәсрәт, кипһен тиһәк күҙ йәшебеҙ,
Таяныстың иң ныҡлыһы - тоғролоҡта,
Бөтә донъя башҡорттары, берләшегеҙ!

Рауил БИКБАЕВ,
Башҡортостандың халыҡ шағиры.

әйтер һүҙем бар!
ҺӨЙӨНДӨРӘ ЛӘ, КӨЙӨНДӨРӘ ЛӘ...

"Беренсе ҡоймаҡ төйөрлө була" тиһәләр ҙә, тәүге ошондай парад иң оҡшағаны булды. Хәҙер был сараның сифатына иғтибарҙы икенсе планға күсереп, ҡатнашыусылар һанының әҙме-күпме булыуына ҡайтарып ҡалдыра баралар кеүек.

уян, уйлан
БЕҘ СИТТӘН КИЛМӘНЕК, БЕҘҘЕҢ ТАМЫРҘАРЫБЫҘ УРАЛДА!

Беҙ кешелеккә ирекле этник дәүләтселек һәм гуманлы этник империя өлгөһөн күрһәтеүсе милләт. Башҡорт дәүләтселеге һәм башҡорт империяһы беҙҙең милләттең милләт булараҡ ойошоу рәүешендә һәм маҡсатында ята.

айығайыҡ, йәмәғәт!
АУЫЛДАРЫБЫҘ "ЙӘШЕЛ ЙЫЛАН" МЕНӘН АЛЫШҠА СЫҒА

Конкурсҡа йомғаҡ 30 ноябрҙә яһаласаҡ. Еңеүселәр Башҡортостан Республикаһы Хөкүмәтенең дипломдарына һәм аҡсалата приздарға эйә буласаҡ: беренсе урын - 500 мең һум; икенсе урын - 250 мең һум; өсөнсө урын - 150 мең һум.

ҡыҙыҡлы әңгәмә
ЫРЫУҘАРҘЫ - БЕР САФҠА! БЫЛ ТОРМОШҠА АШЫРЫРҘАЙ ХЫЯЛ

Был осраҡта беҙ хан сәйәсәтененең башҡорттарҙың йәшәү һәм хужалыҡ итеү рәүешенә тап килеүен күрәбеҙ. Тап шул осорҙан башлап аҫабалыҡ хоҡуҡи статус ала.

рухиәтебеҙ
ГӘЛӘБӘШТӘ ЙЫРАУСЫЛАР ҺӘМ МИЛЛИ КЕЙЕМ ОҪТАЛАРЫ ЙЫЙЫНЫ

Башҡорт кейемен кейеү - оло дәрәжә, бәхет бит ул, ошо көндө күрҙек, Аллаһыға мең шөкөр, илебеҙ имен булһын! Халҡыбыҙға, балаларыбыҙға боронғо аҫыл кейемдәребеҙҙе бай итеп яңыртып кейҙереү - тормошобоҙҙоң йәме, мәғәнәһе.

бер фото тарихы
ҺУҒЫШ ЙЫЛДАРЫ БАЛАЛАРЫ

Икенсе иҫләүем буйынса күмәкләшеп сәй эсәбеҙ. Ниңәлер илашалар. Мин атайымдың алдында ултырам, шул килеш йоҡлап киткәнмен...Иртән тороуыма, атайым өйҙә юҡ ине инде...