ТЕ ЯҠҠАМЫ? БЫ ЯҠҠАМЫ?
Башҡортостандың халыҡ шағиры Мостай Кәримдең бөтә ижадында уның үҙ cовет дәүере уҙаманы, үҙ Рәсәй Ватаны гражданины һәм үҙенең туған башҡорт халҡының улы булыуы күренә: илгә дошман яуы ябырылғас, ат атланып яуға киткән яҡташтарын күтәрмәләп-әйҙәп яусыл оран ташлай; илде тергеҙгән дәүерҙә Рәсәйҙе һәм ватансыллыҡ рухын данлай; балалар әҙәбиәтен үҫтереү өсөн шиғырҙары, повестары илгә тарала; театр сәхнәләрен шаулатыр драматургия әҫәрҙәре яңы офоҡтар аса; социалистик ҡоролош йөй-ситенән һүтелә башлағас, йәшәү асылы һәм ҡанундары хаҡында фәлсәфәүи ҡараштары әҫәрҙәренә күсеп, халыҡҡа барып етә... Былай ынтыматлы һәм емешле ижад Хоҙайҙан бирелгән егәрле һәләттә, йәшәү менән үлем сигендә йөрөп, теге һәм был донъяларҙың тынын тойған кешелә генә булыуы мөмкин.
(Дауамын уҡырға)
афарин!
БАШҠОРТ АТТАРЫНА МАЙҘАН БИРЕГЕҘ!
Ауылдарҙа йылҡы малын тик ит-ҡымыҙ етештереү өсөн генә үрсетеп, эшкә яраҡлы алашаһы ла, ярышҡа тигән саптары ла ҡалмай бара бит. Республиканың бөтә төбәктәренән дә саф башҡорт аттарын ярышҡа килтерә алманылар.
хаталар өҫтөндә эш
"БАШЛЫГЫ" ҺҮҘЕ ҠАЙҘАН КИЛЕП СЫҠҠАН?
Эсте иң ныҡ бошорғаны - Конституциябыҙҙа республиканың иң юғары вазифаһын биләүсенең башҡорт дәүләт телендәге вазифа атамаһының хаталы яҙылған көйө бирелеүе.
балалар донъяһы
ТЕЛДЕ ҺАҠЛАУ - КӨНДӘЛЕК ЭШ
Өлкәндәр күп осраҡта тураһын әйтергә ҡыйынһына, барыһын да шымартып һөйләргә тырыша. Уйланған уйҙарына яуап табыр өсөн Уҡытыусы уҡыусы балаларынан инша яҙҙырырға булды.
көнауаз
ЗАКОН ТЕЛЕН ДӨРӨҪ АҢЛАЙЫҠ ҺӘМ АҢЛАТАЙЫҠ!
Башҡорт мәктәптәрен бөтөрөү юлында сабыусыларға кәңәш бер генәлер - үҙҙәренең балаларына уңайлы булған яңы мәктәптәр төҙөтөү хоҡуғынан уларҙы бер кем дә мәхрүм итмәгән, әйҙә, власть органдарынан ошоно талап итһендәр.
тел хикмәттәре
УЙЛАМАЙ ҺӨЙЛӘГӘН - АУЫРЫМАЙ ҮЛГӘН...
"Әй, Юлай, һин врач бит. Һиңә бер киләм әле, бына шул-шул ерем ауырта..." - тип әйтә башлаған икән, һүҙгә йор ағайым: "Юҡ, һин миңә килмәҫкә тырыш!.." - тип яуап биргәс, һүҙҙең ҡайҙа барғанын төшөнгән ҡунаҡтар геү килеп көлөшөп алған.
афарин!
"БАБИЧ"ТАР БАБИЧЛЫ БУЛДЫ!
Әле бына был фильмға ҡағылышлы тағы шатлыҡлы мәл кисерәбеҙ: унда төп ролдәрҙе башҡарыусы артистар Илгиз Таһиров (Шәйехзада Бабич), Рәмзил Сәлмәнов (Әхмәтзәки Вәлиди) һәм Радмир Абдуллиндарҙың (Ғабдулхай Иркәбаев) ижади төркөмө Шәйехзада Бабич исемендәге республика дәүләт йәштәр премияһы лауреаты исемен алды!
һай! һай! һай!
ӨФӨ БАЛАЛАРЫ ЛА "БАШҠОРТ ӘЛИФБАҺЫ"Н ЯҠШЫ БЕЛӘ
Балаларыбыҙҙы туған телебеҙҙең моңон тойорға өйрәткән, башҡорт халҡының рухи ҡиммәттәрен һәм тарихын күңелдәренә һеңдергән, милләттең киләсәген хәстәрләгән "Тамыр" балалар һәм үҫмерҙәр телеканалы ошо көндәрҙә сираттағы үҙенсәлекле сараһын - "Башҡорт әлифбаһы" медиапроектының исем туйын үткәрҙе.
|
