Әлеге ваҡытта 200 һәм 2000 һумлыҡ банкноталар өсөн символдар һайлау буйынса кампания бара. Уның беренсе этабы 28 июндә башланып, 28 июлгә тиклем дауам итә.

Был этапта һүрәтләнеүгә дәғүә итеүсе территориялар һәм уларҙың символдарының киңәйтелгән исемлеге төҙөләсәк. Бының өсөн Твоя-Россия.рф сайты асылып, унда һәр кем бер ҡаланы һәм уны күҙ алдына баҫтырған дүрт символды тәҡдим итә ала. Тәҡдим ителгән символдар 5000-дән дә кәм булмаған тауыш йыйғанда ғына уларҙың һүрәтләнеше интерактив картала күренә.
Һайлап алыуҙың икенсе туры августа буласаҡ. "Йәмәғәтселек фекере" фонды халыҡтан һорау алыу үткәреп, уның һөҙөмтәләре буйынса 10 иң популяр территорияны һәм уларҙың 20 символын һайлап аласаҡ.
Сентябрҙә үтәсәк өсөнсө турҙа яңы банкноталарҙың дизайны һайланасаҡ. Был этапта 10 лидер араһынан ике еңеүсе һәм дүрт символ һайлап алынасаҡ (һәр территориянан икешәр). Йомғаҡлау 7 октябрҙә "Россия 1" телеканалы эфирында яһаласаҡ.

КИРЕ СЫҒЫРҒА