Ошо көндәрҙә Өфөлә "Егеттәр балы" телевизион проектының финалы уҙҙы. Проектта ҡатнашыусыларҙың һәр береһе республика шифаханаларынан, бағыусыларҙан һәм шәхси эшҡыуарҙарҙан иҫтәлекле бүләктәргә лайыҡ булды. Төп бүләк - башҡорт тоҡомло ат Әбйәлил районынан Салауат Хафизовҡа тапшырылды.

Реалити-шоу жанрындағы "Ете егет" телепроекты Башҡортостан юлдаш телевидениеһында күрһәтелде. Ете егет үҙҙәренең төрлө кәсептәрҙә оҫталығын һынап ҡараны һәм үҙ-ара ярышты. Телетамашасылар интерактив тауыш биреү юлы менән улар араһынан иң лайыҡлыһын һайлап алды. Проектты ойоштороусылар әйтеүенсә, шоуҙың төп маҡсатына өлгәшелгән: хәҙер һәр ҡатнашыусы тимер сүкеүҙең, солоҡсолоҡтоң, ағас һырлауҙың нимә икәнен, егет кешегә етмеш төрлө һөнәр белеү фарызлығын һәм был оҫталыҡҡа өлгәштерер сифаттарҙы нисек тәрбиәләргә кәрәклеген белә.
"Ете егет" проектының төп бағыусыһы Баймаҡ районынан Венер Ирназаров һәм еңеүсегә атты ул бирҙе. Ул йылҡысылыҡ менән шөғөлләнә, башҡорт тоҡомло аттарҙы бик яҡшы белә һәм ярата", - ти проект етәксеһе Рита Өмөтбаева һәм уға ла, башҡа бағыусыларға ла рәхмәт һүҙҙәрен юллай. Билдәләнеүенсә, "Егеттәр балы" тапшырыуын 31 декабрҙә киске сәғәт 9-ҙа Башҡортостан юлдаш телеканалында ҡарарға мөмкин.

КИРЕ СЫҒЫРҒА