Быйыл яҙ ике аҙнаға алдараҡ килеүе һөҙөмтәһеме икән, көндәр йылыныу менән халыҡ дачаларҙа, йорт яны баҡсаларында йыландар күренеүгә зарлана башланы. БР Экология министрлығы белгестәре белдереүенсә, Башҡортостанда йышыраҡ туҙбаш, ҡара йылан, ялан ҡара йыланы, баҡыр йылан (еҙ йылан) осрай. Уларҙың араһынан ҡара йылан ғына ағыулы.

Икенсе яҡтан, йыландар ауыл хужалығына ҙур зыян килтергән, хәүефле сирҙәр таратҡан сысҡандарҙы һәм ҡомаҡтарҙы юҡ итә. Шуға ла, әгәр участкағыҙҙа йыландар күренә башлаһа, тимәк, кимереүселәр ҙә бар. Йыландар кешеләрҙән ҡурҡмай, әммә осрашыуҙан ҡаса. Йылы көндәрҙә улар былтырғы япраҡ, ҡороған ағас тамырҙары, төҙөлөш сүп-сары, өйөлгән таҡталар араһынан, башҡа хайуандарҙың ояларынан сыға. Үҙҙәренә пар эҙләгән ваҡытта йыландарҙы борсорға ярамай, был ваҡытта улар агрессив була, хатта ыҫылдауы, кешегә ташланыуы мөмкин. Туҙбаш һәм ҡара йылан, әгәр уларҙы тоторға тырышмаһағыҙ, зыянлы түгел, саҡмай. Шуға күрә йыландарҙы тоторға тырышмағыҙ. Әгәр ниндәйҙер сәбәптәр арҡаһында сағылдығыҙ ҙа икән, албырғап китмәгеҙ, кемдәрҙер кәңәш иткәнсә, сағылған урынды ҡыҫып бәйләргә йәки ағыуын һурырға тырышмағыҙ. Тешләнгән урынды һабынлап йылы һыу менән йыуығыҙ һәм спирт йәки спиртлы шыйыҡса менән эшкәртегеҙ. Ауыртыуҙы баҫа торған дарыу эсегеҙ һәм яҡындағы медицина учреждениеһына мөрәжәғәт итегеҙ.

КИРЕ СЫҒЫРҒА