Кеше организмында бөтә нәмә бер-береһе менән бәйле. Хатта уйыбыҙ ҙа, кисерештәребеҙ ҙә теге йәки был ағзаның эшмәкәрлегенә йоғонто яһай.

Баш ауыртыуы даими стресс һәм етди көсөргәнеш кисереүгә бәйле. Унан ҡотолоу өсөн медитация эшләгеҙ, йога менән шөғөлләнегеҙ. Эмоциональ хәл-торошоғоҙҙо контролдә тотоғоҙ.
Муйын һыҙлауы үҙен ғәфү итә алмағандарҙа йыш осрай. Унан ҡотолоу өсөн ғәйеп тойғоһонан, выждан ғазабынан азат булырға кәрәк. Тормошто нисек бар, шулай ҡабул итергә өйрәнегеҙ. Үҙегеҙҙе лә, һеҙҙе рәнйеткәндәрҙе лә кисерегеҙ.
Яурын ауыртыуҙың сәбәбе бөтә яуаплылыҡты үҙ өҫтөгөҙгә алыуға бәйле булыуы ихтимал. Шуға күрә бурыстарҙы яҡындарығыҙ менән бүлешеп үтәргә кәңәш ителә.
Арҡаның өҫкө яғы һыҙлаһа, мөхәббәт өлкәһендәге мөнәсәбәт хаҡында уйланығыҙ. Яратҡан кешегеҙ менән энергия алмашыу процесын көйләү мөһим. Һөйөү хисен бер кимәлдә бирергә һәм алырға өйрәнегеҙ.
Арҡаның аҫҡы өлөшө финанс мәсьәләһе өсөн яуаплы. Әгәр матди хәлегеҙ менән ҡәнәғәт булмаһағыҙ, билегеҙ ауыртҡанына ғәжәпләнмәгеҙ. Матди килем тураһында көн-төн уйлаған йәки күп тотонған кешеләрҙә йыш осрай был сир. Унан ҡотолоу өсөн аҡса менән мөнәсәбәтте көйләгеҙ.
Терһәк ауыртыуы - эргә-тирәләгеләргә ҡаты мөғәмәләлә булған кешеләрҙең сире. Йомшағыраҡ булһағыҙ, ул ауыртыуҙан туҡтаясаҡ.
Ҡул һыҙлауы күп йәки, киреһенсә, аҙ аралашҡан бәндәләрҙә күберәк барлыҡҡа килә. Бөтә нәмә сама менән булырға тейеш.
Янбаш һыҙлауынан ҡотолорға теләһәгеҙ, үҙгәрештәрҙән ҡурҡмағыҙ. Алда көткән ваҡиғаларҙы ҡабул итергә әҙер булығыҙ. Һәр яңы нәмәгә асыҡ булыу физик һәм психик һаулыҡ нигеҙе икәнен онотмағыҙ.
Тубыҡ ауыртыуы үҙен түбән йәки юғары баһалаған кешеләрҙә йышыраҡ осраҡ. Үҙенә юмор менән ҡарағандарҙы был сир борсомай.
Балтыр - ул үпкә һәм көнсөллөк тойғоһо йыйылған урын. Ошо кире хистәрҙән арынһағыҙ, балтыр мускулдары ла ауыртыуҙан туҡтар.
Бәкәл йәки шайтан ашығы тирәһе борсоһа, ял итә, күңел аса, тормошҡа ҡыуана белмәүегеҙ тураһында һөйләй. Бәләкәй генә нәмәгә лә ҡыуанырға өйрәнергә кәңәш ителә.
Табан ауыртһа, кире уйҙарығыҙҙан ҡотолоғоҙ. Тормошоғоҙҙағы яҡшы ваҡиғаларҙың ҡәҙерен белегеҙ, күберәк шулар хаҡында уйлағыҙ.

КИРЕ СЫҒЫРҒА