Башҡортостан Һаулыҡ һаҡлау министрлығы коронавирустан бушлай анализдың кемдәргә тейешлеге хаҡында мәғлүмәт бирҙе. Мотлаҡ медицина страховкаһы иҫәбенә ПЦР ысулы менән тикшерелеүгә түбәндәге категория граждандар хоҡуҡлы:

- "Дауахананан тыш пневмония" диагнозы ҡуйылған кешеләр;
- яңы коронавирус инфекцияһын дауалау өсөн госпиталь базаға үҙгәртеп ҡоролған медицина ойошмаларынан сығарыуға әҙерләнгән пациенттар - тәүлек аша ике тапҡыр;
- стационарға ашығыс килтерелгән пациенттар - бер тапҡыр.
Мотлаҡ медицина страховкаһы иҫәбенә амбулатор-поликлиника хеҙмәте ойошмаларында медицина ярҙамы сиктәрендә ПЦР ысулы менән тикшереләләр:
- үҙҙәренең һөнәри эшмәкәрлегенә бәйле COVID-19 сирен йоҡтороу хәүефенә эйә медицина ойошмалары хеҙмәткәрҙәре;
- ОРВИ-ны еңелсә кисереүсе һәм тәү тапҡыр табип ҡарауы үткән пациенттар - мөрәжәғәт иткән көнөндә;
- планлы рәүештә дауаханаға ятырға тейешле пациенттар, 7 календарь көн элгәре мөрәжәғәт иткән хәлдә - бер тапҡыр;
- COVID-19 диагнозы ҡуйылған һәм амбулатория шарттарында дауаланыусы пациенттар диагноз ҡуйғандың 10-сы һәм 12-се көндәрендә;
- дауаханаға ятырға тейешле 0 - 4 йәшлек балаларҙың законлы вәкилдәре - 7 көн алдан, бер тапҡыр;
- COVID-19 сирлеләр менән аралашҡан кешеләр, әгәр шул уҡ сир билдәләре һиҙелһә - тәү тапҡыр табип ҡарауы үткән кешеләр, мөрәжәғәт иткән көнөндә;
- йоғошло сир билдәләре менән Рәсәй Федерацияһына килгән мотлаҡ медицина страховкаһына эйә РФ граждандары, әгәр сир билдәләре беленһә;
- тын юлдары сирҙәре менән медицина ярҙамына мөрәжәғәт иткән 65 йәштән өлкәндәр;
- асыҡ типтағы ойошҡан коллективтарҙағы балалар, әгәр уларҙа COVID-тан тыш тын юлдары сирҙәре билдәләре булһа;
- интернаттарҙа, өлкәндәр өсөн пансионаттарҙа, ябыҡ типтағы уҡыу-тәрбиә учреждениеларында, кадет корпустарында, интернат-йорттарҙа һәм башҡа даими режимдағы учреждениелар ҡарамағында булған һәм ошо ойошмаларҙа эшләүсе хеҙмәткәрҙәр - тын юлдары сирҙәре билдәләре булғанда.
Амбулатория-поликлиника шарттарында медицина ярҙамы күрһәтеү сиктәрендә Башҡортостан бюджеты иҫәбенә ПЦР ысулы менән тикшерелеүгә рөхсәт ителә:
- мотлаҡ медицина страховкаһының территориаль программаһының нигеҙ өлөшөнә индерелмәгән осраҡтарҙа медицина ярҙамы күрһәтеүсе медицина ойошмаларына планлы рәүештә ҡабул ителер алдынан 7 көн элек мөрәжәғәт итһә;
- COVID-19 сирлеләр менән аралашҡан кешеләр, әгәр шул көндән алып 8-10 көн буйына медицина күҙәтеүе үткәндә сирҙең клиник күрһәткестәре булмаһа;
- дәүләт ҡарамағындағы махсуслашҡан йорттарға ебәрелеүсе балалар;
- йоғошло сир билдәләре менән Рәсәйгә килгән РФ граждандары булмаған кешеләр;
- халыҡты социаль хеҙмәтләндереүсе стационар ойошма эшселәре - вахта ысулы менән ошо ойошмала эш башлар алдынан COVID-19 сире йоҡтороуҙы иҫкәртеү маҡсатында;
- коммерцияла булмаған һәм дәүләттеке иҫәпләнмәгән ойошмалар эшсәндәре, шулай уҡ физик мөмкинлектәре сикләнгән кешеләр, инвалид балалар;
- һөнәри эшмәкәрлектәре сир йоҡтороу хәүефе менән бәйле хеҙмәткәрҙәр (ашығыс ярҙам персоналы), аҙнаға бер тапҡыр.
ИФА ысулы буйынса бушлай анализ эшләнә:
- коронавирус инфекцияһын дауалаусы госпиталь итеп үҙгәртелгән медицина ойошмалары персоналына ҡайтанан үҙ профиле буйынса эш башларҙан алда - көн һайын;
- һөнәри эшмәкәрлеге буйынса сир йоҡтороу хәүефе булған медицина ойошмалары хеҙмәткәрҙәренә;
- балалар өсөн ял һәм һауыҡтырыу (йәйге лагерҙар) стационар медицина ойошмалары хеҙмәткәрҙәренә эш башларҙан 72 сәғәттән дә һуңламайынса мөрәжәғәт иткәндә.

КИРЕ СЫҒЫРҒА