Өфөлә IX "Мисс Республика - 2020/2021" Төбәк матурлыҡ конкурсы финалы уҙҙы. Конкурста Башҡортостандың төрлө мөйөштәренән 13 ҡыҙ ҡатнашты.

Һылыуҡайҙар ике бейеү күрһәтте, киске күлдәктәр өлгөһөн демонстрацияланы, ике интеллектуаль турҙа һынау үтте. Шулай уҡ конкурс барышында "Мисс Талант", "Мисс спорт" һәм "Мисс интеллект" этаптары ла ойошторолдо. Быйыл ике еңеүсе һайланды (2020 йылда пандемия арҡаһында конкурс үткәрелмәгәйне). "Мисс Республика-2021" - Илүзә Иҫәндәүләтова. Ул Сибайҙа тыуған, 20 йәштә, М.Аҡмулла исемендәге Башҡорт дәүләт педагогия университетында уҡый. "Мисс Республика-2020" - Өфөнән 22 йәшлек Альбина Шәйхелисламова, Башҡорт дәүләт медицина университетында белем ала, ковид-госпиталдә эшләй. Йәйгеһен ҡыҙҙар халыҡ-ара һәм ил кимәлендәге гүзәллек конкурстарында Башҡортостан исеменән сығыш яһаясаҡ.

КИРЕ СЫҒЫРҒА