Был һорауға яуап табыр өсөн Башҡорт дәүләт университетының физик география һәм ҡоро ер гидрологияһы кафедраһы мөдире, география фәндәре докторы Ауфар Гәрәев һәм кафедра ассистенты Азамат Ниғмәтуллин тикшереүҙәр үткәрә.

Тикшереү ике төрлө ысул менән башҡарыла. Беренсеһе - дүртмөйөш һәм координаталар ысулы. Бының өсөн географтар республика картаһын бәләкәй дүртмөйөштәргә бүлеп сыға һәм һәр береһенең киңлеге менән оҙонлоғоноң координаталарын асыҡлай. Һуңынан, килеп сыҡҡан һөҙөмтәне төбәктең дөйөм майҙаны менән сағыштырып, Башҡортостан сиктәренән бер тигеҙ алыҫлыҡта булған нөктәне билдәләйҙәр.
Икенсе ысул иһә параллель йүнәлештәрҙең нисек урынлашыуынан сығып, координаталарҙың уртаса үлсәмен билдәләүгә ҡайтып ҡала.
Ике ысул да бер төрлө һөҙөмтә бирә. Уға ярашлы, Башҡортостандың бөтә сиктәренән дә бер тигеҙ алыҫлыҡта урынлашҡан нөктә Ағиҙел һәм Йылым йылғалары араһында, Архангел һәм Ҡырмыҫҡалы райондары сиктәренән алыҫ түгел ерҙә. Был урынға иң яҡын ауыл - Ғафури районының Ерекле ауылы. Әлеге мәлдә унда иҫтәлекле стела ҡуйылған.
Республиканың географик үҙәге Өфөнән 67,5 саҡрым (тура иҫәпләгәндә) алыҫлыҡта ята.

"Киске Өфө" гәзите, №4, 2022 йыл

КИРЕ СЫҒЫРҒА