Өфө ҡала окргуы хакимиәтенең сираттағы ултырышында Луганск һәм Донецк Халыҡ Республикаларында тергеҙеү эштәрендә ҡатнашыусыларҙы бүләкләнеләр.

Мариуполь биләмәһендәге емереклектәрҙе бөтөрөүгә йәлеп ителгән белгестәргә, шулай уҡ Петровский ҡалаһында Миңлеғәли Шайморатов исемендәге 22-се мәктәпте реконструкциялаған төҙөүселәргә Маҡтау грамоталары тапшырылды. - 19 августан 9 сентябргә тиклем 12 кешенән торған төркөмөбөҙ һәм бер нисә берәмек техника Мариуполдә емереклектәрҙе таҙартыу һәм төҙөлөш материалдарын ташыу менән шөғөлләнде. Бынан тыш, Башҡортостан эшселәре ҡыҫҡа ваҡыт эсендә 400-гә яҡын уҡыусыға иҫәпләнгән белем усаҡтарын төҙөкләндерҙе. Яңыртылғандан һуң 22-се мәктәптең дөйөм майҙаны 7 мең квадрат метр самаһы тәшкил итте. Хәҙер бында заманса туҡланыу блогы, яҡшы кабинеттар, гардероб, китапхана, ашхана, ике спорт залы бар, - тип билдәләне баш ҡала мэры Ратмир Мәүлиев. Ул шулай уҡ Башҡортостандан саҡырылғандарҙың хәрби әҙерлек үткән урынында булыуы һәм яҡташтарыбыҙ менән осрашыуы тураһында һөйләне: "Пензала егеттәр менән осрашып, улар менән шәхсән аралаштым. Уларҙың һорауҙарын яҙып алдым", - тине Ратмир Мәүлиев.

"Киске Өфө" гәзите, №40, 2022 йыл

КИРЕ СЫҒЫРҒА