"Ирәндек айыуы" самородогының ауырлығы 4788,75 грамм, ул 930-сы келәймәле. Уны 1992 йылда Баймаҡ районы "Ирәндек" совхозы механизаторы Р.И.Үтәғолов Ирәндек тауының көнсығыш итәгендә урынлашҡан Күсей ауылы эргәһендә, элекке Һунарүҙәк алтын руднигынан 2 километр алыҫлыҡта, ер һөргән саҡта табып ала. Самородок 30 сантиметр тәрәнлектән һабанға эләгеп сыға. Самородок тап ошо урында табылыуын аңлатҡан фаразға ярашлы, ул 1557 йылда башҡорттарҙың Иван Грозныйға хөрмәт йөҙөнән ебәрелгән алтын булырға тейеш. Юлда ылауға юлбаҫарҙар һөжүм итә, әммә оҙатып барған бер һаҡсы байлыҡты ергә күмергә форсат таба һәм ул шул килеш 400 йылдан ашыу ята. Алтын киҫәге 1993 йылдан Башҡортостан Республикаһының Милли банкында һаҡланған һәм 2011 йылда Башҡортостан Республикаһының Милли музейына тапшырыла. Алтын. Ауырлығы 4788,75 г 930-сы келәймәле.

"Киске Өфө" гәзите, №1, 2023 йыл

КИРЕ СЫҒЫРҒА