Һүрәттәге үҫемлек биҙәкле, ҡара ҡаптырмалы пластинкалы көмөш беләҙек Башҡортостандың Милли музейына 1985 йылда ҡабул ителгән һәм аҫыл металдар фондының иң ҡиммәтле экспонаттарының береһе һанала.

Ул 1889 йылда Шишмә районы Уҙытамаҡ ауылында тыуып үҫкән Мөхәмәтшина Фатима Исхаҡ ҡыҙыныҡы. Улар ире Мөхәмәтшин Харис Зәкир улы менән ғүмер буйы үҙенең тыуған ауылында йәшәгән, 5 балаға ғүмер биреп тәрбиәләп үҫтергән. Уның беләҙегенең уртаһында йондоҙ һәм ярым ай төшөрөлгән, диаметры 6 сантимер, киңлеге 2 сантимер. Бөгөнгө көндә Башҡортостан Милли музейында 50-нән ашыу беләҙек һаҡлана.

"Киске Өфө" гәзите, №6, 2023 йыл

КИРЕ СЫҒЫРҒА