Башҡортостан Башлығы Радий Хәбиров баш ҡаланың боронғо рекреацион зоналарының береһе - Нефтехимиктар мәҙәниәт һәм ял паркын асыу тантанаһында ҡатнашты. Паркка 1947 йылда нигеҙ һалынған. Республика етәксеһе паркта йөрөгәндә бында башҡарылған реконструкция эштәрен баһаланы. "Нефтехимиктар паркын танып та булмай, ул һиҙелерлек үҙгәрҙе, яҡты һәм сағыу, шул уҡ ваҡытта үҙенең үҙенсәлеген һаҡлап ҡалды. Хәҙер бында рәхәтләнеп йөрөргә мөмкин, балалар өсөн бынамын тигән урын. Һеҙгә парктарға ошондай иғтибар бүлгәнегеҙ өсөн ҙур рәхмәт", - тине Черниковкала йәшәүселәр Радий Хәбировҡа.
- Шуныһы иғтибарға лайыҡ: беҙ парктың исемен үҙгәртмәнек. Был иһә республикабыҙ иҡтисадын булдырған нефтехимиктарға хөрмәт күрһәтеү. Белеүегеҙсә, хәҙер Өфө - Хеҙмәт ҡаһарманлығы ҡалаһы, Еңеүҙе яҡынайтҡан төп учреждениелар башлыса Черниковкала урынлашҡан. Бөгөн был биҫтә үҫешә, үҙгәрә: яңы парктар, скверҙар барлыҡҡа килә.Минеңсә, беҙ бында балаларыбыҙ өсөн яңы тормош шарттары булдырабыҙ! - тине Радий Хәбиров.

"Киске Өфө" гәзите, №23, 2023 йыл

КИРЕ СЫҒЫРҒА