РФ Дәүләт Думаһы "Цифрлы һум" индереү тураһында закон ҡабул итте. Нимә ул "Цифрлы һум"? Рәсәй банкы бүлексәһе - Башҡортостан Республикаһы буйынса Милли банк белгестәре аңлата.

Һумдың ике төрө бар: ҡулаҡса - беҙҙең көшөлөктәге банкноталар һәм тәңкәләр; ҡулаҡсаһыҙ - банктағы, карталағы аҡса. Цифрлы һум - аҡсаның Рәсәй банкы ғәмәлдәге аҡса төрҙәренә өҫтәмә рәүештә сығарырға ниәтләгән өсөнсө формаһы. Цифрлы һумдар һанлы көшөлөктә һаҡланасаҡ. Ә көшөлөктәр Рәсәй банкы платформаһында асыла. Цифрлы һумдар менән операциялар шунда уҡ үткәреләсәк. Цифрлы көшөлөктәргә беҙ күнеккән дистанцион каналдар - мобиль ҡушымталар һәм интернет-банктар аша инеү мөмкинлеге буласаҡ.
Ни өсөн һумдың өсөнсө төрө кәрәк булды? Уның ҡулланыусылар өсөн ыңғай яҡтары түбәндәгесә: аҡсаны тиҙ, уңайлы һәм сығымдарһыҙ күсерергә ярҙам итәсәк; банк тарифтарына һәм сикләүҙәренә бәйле булмаясаҡ; цифрлы һумдарҙы интернет булмаған урында ла ҡулланырға мөмкин буласаҡ.
Финанс баҙары өсөн цифрлы һум - ул финанс баҙарында көнәркәшлекте арттырыу, инновацион финанс продукттары булдырыуға һәм яңы түләү инфраструктураһын үҫтереүгә юл. Дәүләт өсөн - ул бюджет түләүҙәре менән идара итеүгә сығымдарҙы кәметеү һәм сикке түләүҙәрҙе ябайлаштырыу.
Әйткәндәй, Закондың төп положениелары 2023 йылдың 1 авгусынан үҙ көсөнә инде. Әлегә был һынау осоро ғына, шуға күрә 1 августан бөтә халыҡ цифрлы һум менән файҙалана алмаясаҡ әле.

"Киске Өфө" гәзите, №32, 2023 йыл

КИРЕ СЫҒЫРҒА