Башҡортостан махсус хәрби операция яугирҙарына йөҙөнсө гуманитар ылау оҙатты.

Башҡортостан Башлығы Радий Хәбиров гуманитар йөк йыйыуҙа һәм уны алып барып тапшырыуҙа әүҙем ҡатнашҡан ҡотҡарыусыларға, водителдәргә, эшҡыуарҙарға, хеҙмәт коллективтарына Башҡортостан Башлығының почет грамоталарын һәм рәхмәт хаттарын тапшырҙы. Йөҙөнсө гуманитар ылауҙа - 28 автомобиль, улар араһында 17 "УАЗ", 8 "Нива", шулай уҡ күсмә мунса, өс тағылмалы мунса бар. Асҡын, Балаҡатай, Дәүләкән, Дыуан, Ҡалтасы, Салауат, Федоровка райондары, Баймаҡ ҡалаһы, Өфөнөң Киров һәм Ленин райондары халҡы, Бәләбәй һәм Балаҡатай урман хужалыҡтары, Рәсәй Афғанстан ветерандары союзының Бөрө бүлексәһе яугирҙарыбыҙ өсөн кәрәк-яраҡ хәстәрләгән. Әйтәйек, төҙөлөш материалдары, утын, "буржуйка" мейестәре, бензобысҡылар, генераторҙар, спутник антеннаһы, иретеп йәбештереү аппараттары, инструменттар, окоп шәмдәре, фонарҙар, йылы кейем, эсәр һыу, аҙыҡ-түлек, гигиена әйберҙәре, дарыуҙар һәм туғандарынан посылкалар.

"Киске Өфө" гәзите, №44, 2023 йыл

КИРЕ СЫҒЫРҒА