Әлшәй районы Казанка ауыл биләмәһе лә республикабыҙҙа әүҙем бер йүнәлеш алған "Урындағы башланғыстарҙы яҡлау" программаһында даими ҡатнаша.

Ошо программа сиктәрендә беҙҙең ауыл биләмәһендә күп эштәр башҡарылды. Былтыр Иҫке Аҡҡолай ауылында спорт һәм балалар майҙансығы эшләнгәйне. Быйыл иһә беҙҙең Казанка ауыл биләмәһенә ҡараған Фән ауылы халҡы ла ошо программала ҡатнашыу инициативаһы менән сыҡты. Уларҙың ниәте - Фән ауылы мәҙәниәт йортоноң ихатаһын ремонтлау һәм урам спорты тренажёрҙары менән йыһазландырыу. Иң мөһиме - ауыл халҡының изге ниәтен ситтә йәшәүсе ауылдаштар ҙа хуплап, ярҙам ҡулы һуҙырға теләк белдерҙе. Алдағы көндәрҙә ошо проектҡа ярашлы күргәҙмәләр, спорт ярыштары һәм башҡа төрлө мәҙәниәт саралары үткәреләсәк. Ауылдарҙы һаҡлау - иң тәүҙә унда йәшәүселәрҙең хәстәрлеге, тырышлығы, инициативаһы аша атҡарылырға тейеш. Ә республикабыҙҙағы "Урындағы башланғыстарҙы яҡлау" программаһы ошо ниәткә иң оло ярҙам ул.

Фәнүзә ЙОМАҒУЖИНА.
"Киске Өфө" гәзите, №4, 2024 йыл

КИРЕ СЫҒЫРҒА