«Киске Өфө» гәзитенең сайты - "УРАЛ БАТЫР" ЭПОСЫ КӨНӨ - 2025

Мәҡәләләр Һуңғы номер Яҙылыу Гәзиттә реклама Архив (PDF) Редакция

Беҙҙең номерҙар

2025

Ғинуар

01 | 02 | 03 | 04

Февраль

   05  | 06  | 07  | 08
Март

   09  | 10  | 11  | 12
Апрель

   13  | 14  | 15  | 16
Май

   17  | 18  | 19  | 20  | 21
Июнь

   22  | 23  | 24  | 25
Июль

   26  | 27  | 28  | 29
Август

   30  | 31  | 32  | 33  | 34
Сентябрь

   35  | 36  | 37  | 38
Октябрь

   39  | 40  | 41  | 42  | 43
Ноябрь

   44  | 45  | 46  | 47
Декабрь

   48  | 49  | 50  | 51

Киске Өфө» VK-төркөмө

әйт, тиһәгеҙ...

Ир-егет ниндәй сифаттарға эйә булырға тейеш тип уйлайһығыҙ? Ул сифаттар һеҙҙең үҙегеҙҙә бармы? Уларҙы нисек тәрбиәләргә?

"УРАЛ БАТЫР" ЭПОСЫ КӨНӨ

+ -

Башҡортостан Башлығы Радий Хәбиров үҙенең указы менән 8 июндә "Урал батыр" эпосы көнөн булдырҙы.

- Үҫеп килгән быуынды тәрбиәләү эше халҡыбыҙҙың бай мәҙәни мираҫына нигеҙләнергә тейеш. Айырыуса донъя әҙәбиәтенең үҙенсәлекле боронғо әҫәре - үҙебеҙҙең "Урал батыр" эпосы тураһында әйтергә теләйем. Башҡорт халҡының аҫыл ҡомартҡыһын артабан да һаҡлап ҡалыу, үҫтереү өсөн йыл һайын июнь айында "Урал батыр" эпосы көнө үткәреләсәк, - тине Радий Хәбиров.
"Урал батыр" эпосы - башҡорт әҙәбиәтенең иң боронғо ҡомартҡыһы, ул 4576 шиғри һәм 19 прозаик юлдан тора. Эпос күп меңәр йылдар дауамында формалашҡан. Текст быуындан-быуынға күсә килгән. Мөхәмәтша Буранғолов эпосты 1910 йылда Ырымбур губернаһы Этҡол волосы (Башҡортостандың хәҙерге Баймаҡ районы) Иҙрис ауылында Ғәбит Арғынбаев һәм Бәләкәй Этҡол ауылында Хәмит Әлмөхәмәтов исемле ике сәсән-ҡурайсынан яҙып алған. Төп нөсхәһе (ҡулъяҙма) һаҡланмаған. Башҡортостандың мәҙәниәт министры Әминә Шафиҡова хәбәр итеүенсә, "Урал батыр" эпосы тәүге тапҡыр 1968 йылда "Ағиҙел" журналында баҫылған. Башҡорт телендәге тулы баҫмаһы "Башҡорт халыҡ ижады" китабының беренсе томында донъя күргән. "Урал батыр" күп телдәргә тәржемә ителгән. Эпос фәнни яҡтан өйрәнелә, эпосты яттан һөйләү конкурсы үткәрелә, спектаклдәр, анимация фильмдары бар.
Әйткәндәй, 8 июндә "Урал батыр" китабының күсермәһе Евразия күсмә цивилизациялар музейы коллекцияһына тапшырыла. Башҡортостан Хөкүмәтендә уҙған оператив кәңәшмәлә мәҙәниәт министры Әминә Шафиҡова ошо турала белдерҙе.

"Киске Өфө" гәзите, №22, 6 - 12 июнь 2025 йыл

КИРЕ СЫҒЫРҒА

+ -

Яҙылған: 05.06.25 | Ҡаралған: 184

Киске Өфө

Яңы йыл алдынан әйтелгән ихлас теләктәр тормошҡа аша, ти. Уның сере нимәлә, беләһегеҙме? Тап Яңы йыл байрамы алдынан еткерелгән теләктәрҙе беҙҙең үҙебеҙҙең ҙә ихласлап, уларҙың ысынлап та бойомға ашырына ышанып, мөғжизәләй күреп ҡабул итеүебеҙҙә. Шуның өсөн "Ихлас теләктәргә йөрәктәрҙе асайыҡ!" тип әйҙәләйбеҙ һеҙҙе. Ҡотлаусыларҙың Ихласлығы, Йөрәк нуры, Һөйөүе һәм Хөрмәте күңелдәрегеҙҙе яҡтыртһын, донъяларығыҙҙы биҙәһен!

Беҙҙең дуҫтар

Мәҡәләләр Һуңғы номер Яҙылыу Гәзиттә реклама Архив (PDF) Редакция

Мәҡәләләр күсермәһен алыу, күсереп баҫыу йәки материалды тулыраҡ файҙаланыу мәсьәләләре буйынса «Киске Өфө» гәзите редакцияһына мөрәжәғәт итергә.

Беҙҙең электрон адрес: kiskeufa@mail.ru