Стәрлетамаҡта Бөтөн донъя башҡорттары ҡоролтайы иғлан иткән Башҡорт ғаиләһе йылын асыу һәм "Өлгөлө башҡорт ғаиләһе" конкурсы еңеүселәрен тәбрикләү тантанаһы үтте.

Сарала үткән сығыштарға, һөйләшеүҙәргә туҡталып тормайынса, быйылғы "Өлгөлө башҡорт ғаиләһе-2026" конкурсының финалына сығыусыларҙың исемдәрен атайыҡ. Бына улар:
Мәртәбәле бәйгенең Гран-приһына Ғафури районынан Мәрүәйевтәр ғаиләһе лайыҡ булды (һүрәттә).
"Ғаилә ижады" номинацияһында - Стәрлетамаҡ ҡалаһынан Әбүбәкеровтар (1-се урын), Федоровка районынан Хәлиловтар (2-се), Өфөнән Байтимеровтар (3-сө) ғаиләһе;
"Ғаилә кәсебе" номинацияһында - Стәрлетамаҡ ҡалаһынан Вәхитовтар (1-се урын), Ғафури районынан Фәхретдиновтар (2-се), Белорет районынан Мөсәлимовтар (3-сө) ғаиләһе;
"Ғаилә ҡиммәттәре" номинацияһында - Салауат районынан Басировтар (1-се урын), Көйөргәҙе районынан Аҡыловтар (2-се), Өфөнән Аҙнағоловтар (3-сө) ғаиләһе еңеүсе булды.
Махсус номинацияларҙа - Өфөнән Хисмәтуллиндар ("Махсус хәрби операция геройы ғаиләһе"), Бөрйән районынан Фәхрийәновтар ("Күп балалы башҡорт ғаиләһе"), Октябрьский ҡалаһынан Харасовтар ("Йәш ғаилә"), ХМАО-Юграның Сорғот ҡалаһынан Ҡунаҡҡоловтар ("Донъясыл ғаилә") ғаиләһе билдәләнде. Ҡотлайбыҙ!

"Киске Өфө" гәзите, №9, 6 - 12 март 2026 йыл

КИРЕ СЫҒЫРҒА