Республикала дрондарҙы сериялы етештереүҙән алып пилотһыҙ авиация системалары ғәскәрҙәре составын тулы әҙерләүгә тиклем комплекслы эш алып барыла, ти Башҡортостан Башлығының РФ Милли гвардияһы ғәскәрҙәре менән үҙ-ара эш итеү буйынса кәңәшсеһе Артур Йомағужин. Миҫал итеп ул Махсус операция зонаһында хәрбиҙәрҙең юғары баһаһын алған "Уфимец" дронын килтерҙе.

"Башҡортостан - БПЛА-ға ҡағылышлы өлкәне бер системаға һалған Рәсәй төбәктәренең береһе. Бында дрондар осороуға өйрәтеп кенә ҡалмайҙар, уны ҡулланыу тактикаһына, тактик медицинаға, ҡаршы тороу сараларына ла ҙур иғтибар бирәләр. Йыш ҡына дәрестәрҙе хәрби хәрәкәттәр һыҙығынан килгән тәжрибәле яугирҙар алып бара. Операторҙан иһә иң элек рух ныҡлығы, шәхси ҡыйыулыҡ, һалҡын аҡыл талап ителә. Компьютерҙы ышаныслы белеү, иретеп йәбештереү алымдарына эйә булыу һәм электроника менән эш итеүҙе дөйөм аңлау, әлбиттә, пилотһыҙ осоусы аппараттар операторы һөнәренең нигеҙҙәре. Бындай подразделениела хеҙмәт, ҡатмарлы техника менән эшләү, уны ремонтлау һәм хеҙмәтләндереү - өҙлөкһөҙ процесс, үҙ-үҙеңде камиллаштырыу ул. Ә тыныс тормошта бөгөн тап ошо белем, оҫталыҡ иң кәрәклеһе булып тора" , - тип билдәләй офицер.
Ысынлап та, БПЛА операторы Махсус хәрби операция зонаһында бөгөн - иң кәрәкле һәм юғары түләүле хәрби һөрәрҙәрҙең береһе. Билдәле булыуынса, Башҡортостандан контракт төҙөгәндә һәр яугир 1,4 миллион һум күләмендә бер тапҡыр бирелә торған түләү ала. Айлыҡ хеҙмәт хаҡы 220 мең һумдан башлана (званиеһына, вазифаһына һәм хеҙмәт стажына ҡарап). БПЛА операторҙарына, һөҙөмтәлелеккә ҡарап, 50 меңдән 500 мең һумға тиклем өҫтәмә түләү ҡаралған. Ул дошмандың техникаһын юҡ итеү йәки башҡа хәрби ҡаҙаныштар өсөн яҙыла. Әйтәйек, Leopard, Abrams, Challenger танкыларын юҡ итеү 500 мең һум премия менән баһалана.
Пилотһыҙ осоу системалары ғәскәрҙәрендә хеҙмәт итеүселәргә МХО-ла ҡатнашыусыларға һәм уларҙың ғаиләләренә тәғәйен барлыҡ дәүләт ярҙам саралары, льготалар һәм социаль гарантиялар ҡаралған. Башҡортостанда, мәҫәлән, 55 ярҙам сараһы ғәмәлдә.
Пилотһыҙ системалар ғәскәрҙәренә хәрби хеҙмәткә инергә теләүселәр йәшәгән урыны буйынса хәрби комиссариатҡа мөрәжәғәт итә ала. Шулай уҡ быны Өфө ҡалаһы, Революция урамы, 156 адресы буйынса урынлашҡан Контракт буйынса хәрби хеҙмәткә һайлап алыу пункты аша ла эшләп була. Ғаризаны Дәүләт хеҙмәттәре порталында ҡалдырырға ла мөмкин.

"Киске Өфө" гәзите, №21, 29 май - 4 июнь 2026 йыл

КИРЕ СЫҒЫРҒА