Рәсәй Ғәҙәттән тыш хәлдәр министрлығының Башҡортостан буйынса Баш идаралығынан хәбәр итеүҙәренсә, Баймаҡ районының Калинин ауылында шәхси йортта газ шартлаған. Һөҙөмтәлә ике кеше - 75 йәшлек ир һәм 65 йәшлек ҡатын зыян күргән. Тәндәре бешеп, хәҙер улар Сибай үҙәк ҡала дауаханаһының хирургия бүлегендә дауалана.

Яҡынса мәғлүмәттәр буйынса, газ ҡорамалын файҙаланғанда янғын хәүефһеҙлеге ҡағиҙәләрен боҙоу шартлауға сәбәпсе булған. Янғын һүндереүселәрҙе ваҡиға урынына саҡырмағандар. Рәсәй Ғәҙәттән тыш хәлдәр министрлығы тәфтишсеһе әле ваҡиғаның сәбәптәрен асыҡлай.

Рәсәй Ғәҙәттән тыш хәлдәр министрлығы көнкүреш газын хәүефһеҙ ҡулланыу ҡағиҙәләрен тайпылышһыҙ үтәргә саҡыра:
- газ ҡорамалдарының төҙөклөгөн даими тикшерегеҙ һәм уны ваҡытында техник хеҙмәтләндерегеҙ;
- газ еҫе сыҡҡанда асыҡ ут ҡулланмағыҙ, тәмәке тартмағыҙ һәм электр приборҙарын ҡабыҙмағыҙ;
- газды ябығыҙ, бинаны елләтеү өсөн тәҙрәләрҙе һәм ишектәрҙе асығыҙ;
- хәүефле урындан сығып, 104 телефоны буйынса авария газ хеҙмәтен йәки 112 телефоны буйынса берҙәм ашығыс хеҙмәтте саҡырығыҙ.
Был ябай ҡағиҙәләрҙе үтәү фажиғәле эҙемтәләрҙән ҡотолорға ярҙам итәсәк.

"Киске Өфө" гәзите, №36, 18 - 24 сентябрь 2026 йыл

КИРЕ СЫҒЫРҒА