Бөгөнгө һүҙебеҙ 1936 йылдан алып 1950 йылға тиклем Германияның Штутгарт-Вангене ҡалаһында сығарылған Kodak Retina фотоаппараты хаҡында. Ул Башҡортостан Милли музейының "Металдар" фондында ОФ 33342/1, ГК 11630435 һаны аҫтында һаҡлана.

Фотоаппарат көрән күн көп эсендә (12 см*7,5 см*3,5 см), үҙе бик ҙур ҙа түгел һәм еңел. 35 мм пленкалы был уңайлы фотоаппаратты уйлап табыусы - немец конструкторы Август Нагель.
Фотоаппарат менән эшләү ауыр түгел. Фотоаппараттың корпусы аҫтындағы махсус төймәгә баҫһаң, ҡапҡасы асыла һәм объектив килеп сыға. Объективты һаҡлау ҡапҡасында "Kodak" тигән яҙыуы бар. Әлеге фотоаппаратта алыҫлыҡты үлсәгес һәм автомат рәүештә фокусҡа ҡуйыу мөмкинлектәре ҡаралмаған.
Фотоаппарат менән горизонталь һәм 90 градусҡа бороп, вертикаль рәүештә ҡулланыу уңайлы булһын өсөн объективтың өҫкө яғына һәм бер ҡабырғаһына арауыҡ менән диафрагма билдәләре ҡуйылған.
Фотоаппарат музейға 2018 йылда бүләк ителгән.

"Киске Өфө" гәзите, №15, 2023 йыл

КИРЕ СЫҒЫРҒА