1772 йылғы 5 тинлек тимер аҡса Рәсәй коллекционерҙары араһында киң популярлыҡ яулаған. Уның ауырлығы уртаса 51,0 грамм, ҡалынлығы 0,4 сантиметр, диаметры 4,0 - 4,3 сантиметр. Аҡсаның ике яғында ла төрлө штемпелдәр, матур биҙәкле һүрәт бар. Уларҙы Екатеринбург һәм Сузун аҡса һуғыу йортонда сығарғандар. Шулай уҡ Бөйөк Екатерина дәүерендә биш тинлекте Мәскәү, Сестрорецк, Санкт-Петербург, Аннинск һәм Таврий аҡса һуғыу йорттары етештергән.

Аҡсаның йөҙъяғында ике башлы бөркөт төшөрөлгән. Уның башын ике таж, өсөнсөһө улар араһында урынлашҡан. Бөркөттөң күкрәген аждаһаны язалаусы Еңеүсе Георгий һүрәте төшөрөлгән ҡалҡан биҙәй. Ҡалҡанды Андрей Первозванный ордены менән сынйыр уратып алған. Бөркөттөң тәпәйендә дәүләт власы символдары - скипетр һәм держава. "ЕМ" тамғаһы ла бөркөттөң тәпәйе аҫтында ҡуйылған.
Реверстың төп символы - Екатерина II вензеле, өҫтә - батша тажы, ҡырлап аҫтан өҫкә табан ботаҡ, уртала аҡсаның сығарылған йылы. Ул "17" һәм "72", I (императрица), "Е" (Екатерина) хәрефтәренән һәм "II" һанынан торған ике өлөшкә бүленгән. Аҡса дөрөҫ булмаған түңәрәк формаһында. Екатерина II ваҡытындағы биш тинлек аҡсалар тарихи һәм нумизматик ҡиммәткә эйә.
Фотола күрһәтелгән аҡса Темәс тыуған яҡты өйрәнеү музейында ОФ 4232 һаны аҫтында һаҡлана.

"Киске Өфө" гәзите, №46, 2023 йыл

КИРЕ СЫҒЫРҒА